Banorja e “Big Brother VIP Kosova”, Arta Selimi, ka ndarë me banorët e tjerë një rrëfim prekës.
Aktorja ka treguar se si në fëmijëri ka rënë pré e një ngacmimi seksual nga roja i Fakultetit Teknik, në zonën ku ajo jetonte.
“Ka qenë roje në Fakultetin Teknik, që është mbrapa banesave, ku shkonim ose për me të para disa çifte duke u puthur, ose kemi hyrë në klasa kemi marrë shkumësa për të vizatuar në trotuare. Nëse kam dashur të rrijë me motrën dhe gjeneratën e saj, duhet të shkoja të merrja shkumësa, edhe duhet të shkoja të thoja ‘Mirëdita, a po na i jepni do shkumësa’, një djali të gjatë, kurrë s’e harroj”, ka thënë Arta.
Më pas, ajo ka treguar se si arriti të shpëtonte nga kjo situatë.
“Kemi shkuar tek kabineti i profesorëve, disa dollapë kanë qenë të lartë për mua aso kohe, ai tipi më çoi mua hopa, por duke më zbritur poshtë, e kam ndjerë që më ka shtypur, më ka shtrënguar. Kam nisur të lëviz shpejtë dhe i kam dhënë një shkelm e kam ikur tek motrat e mia. Ju kam treguar ato kanë qeshur me këtë”,
