Mbyllja e Prime-t të fundit të formatit televiziv “Ferma VIP” është pasuar nga reflektime dhe biseda mes pjesëmarrësve rreth zhvillimeve të mbrëmjes.
Vëmendja e banorëve është ndalur kryesisht tek episodi ku Ola iu drejtua me fjalor fyes drejtueses së programit, Arbana Osmani.
Gjatë një bashkëbisedimi, çifti Vanesa dhe Indri kanë ndarë këndvështrimet e tyre mbi këtë ngjarje.
Gjatë kësaj analize, Indri ka vënë theksin te menaxhimi i situatës nga ana e moderatores, duke vlerësuar vetëpërmbajtjen e treguar prej saj përballë një gjuhe të tillë, në kushtet e një transmetimi të drejtpërdrejtë televiziv me mbulim të gjerë.
Në lidhje me këtë episod, Indri u shpreh: “Si ia ktheu Arbana, si zonjë”. Ky vlerësim u mbështet edhe nga Vanesa, e cila gjatë bisedës shtoi: “Po, Arbana ka ruajtur qetësinë”.
