Pjesëmarrësit e “Ferma VIP” kanë gjetur një metodë për të anashkaluar rregullin e izolimit dhe për të marrë informacione mbi perceptimin e publikut ndaj tyre.
Sipas të dhënave, banorët kanë realizuar marrëveshje paraprake me familjarët e tyre përpara hyrjes në program, ku ngjyrat e veshjeve që u dërgohen shërbejnë si kode sinjalizuese rreth ecurisë së tyre në lojë, duke i orientuar nëse duhet të ndryshojnë qasje.
Kjo taktikë është evidentuar nga drejtuesja e programit, Arbana Osmani, e cila e adresoi këtë çështje gjatë transmetimit të fundit. Ajo konfirmoi se produksioni është në dijeni të kësaj praktike dhe theksoi se do të zbatohen masa specifike për ta ndaluar atë.
Në po të njëjtin transmetim, Osmani njoftoi gjithashtu një rregull të ri penalizues lidhur me dinamikat e garës.
Ajo bëri me dije se për çdo kërkesë të konkurrentëve për të braktisur programin me dëshirë të plotë, do të aplikohet një zbritje e menjëhershme prej 10 mijë eurosh nga shuma e çmimit të madh final.
