Ilir Shaqiri ka ngjallur jo pak dyshime dhe diskutime mes banorëve të tjerë me hyrjen e tij në Ferma VIP, të cilët fillimisht menduan se balerini i njohur kishte hyrë thjesht me një mision ose si i ftuar special nga produksioni.
Arsyeja për këtë konfuzion ishte një detaj mjaft i dukshëm: ai u shfaq në fermë pa valixhe, vetëm me një qese në dorë.
Megjithatë, e vërteta u zbulua shpejt duke konfirmuar se Iliri është zyrtarisht një konkurrent i plotë dhe i barabartë me të tjerët në garë.
Ky konfirmim ka ndryshuar menjëherë dinamikat dhe perceptimin e lojës nga ana e fermerëve të tjerë.
Moza theksoi se tashmë “ndryshon harta”, duke lënë të kuptohet se balancat dhe strategjitë e deritanishme do të duhet të rishikohen me praninë e tij.
Iliri vetë e ka kaluar situatën me humor, duke pranuar se e dinte konfuzionin që po shkaktonte qëllimisht. Ai zbuloi se Sara ishte e para që pati dyshime dhe shtoi: “U përpoqa me sa munda, disa e përtypën, disa jo.”
Pavarësisht kësaj loje të vogël mendore në fillim, fermerët e kanë pritur mirë balerinin duke i uruar suksese për rrugëtimin e tij si konkurrent i rregullt në spektakël.
