Sfida e mosreagimit po vazhdon të dhurojë momente të papritura dhe plot emocione në shtëpinë e “Big Brother VIP”.
Së fundmi, banorët janë përballur me një tjetër hyrje surprizë: këngëtari i njohur Roland Hysi, i njohur për publikun si Landi, ka kaluar pragun e shtëpisë.
Fokusi i kësaj vizite të shkurtër ishte pikërisht Miri.
Ndonëse i detyruar nga rregullat strikte të provës së Vëllait të Madh për të qëndruar tërësisht i palëvizur, Miri u shfaq dukshëm i prekur dhe i emocionuar nga prania e Landit.
Pavarësisht kësaj ngarkese emocionale, ai arriti ta përballojë me sukses sfidën, duke mos dhënë asnjë reagim fizik apo verbal.
Gjatë minutave që qëndroi pranë tij, Landi shfrytëzoi mundësinë për t’i dhënë një mesazh mjaft të drejtpërdrejtë dhe paralajmërues lidhur me rrugëtimin e tij në lojë.
Ai i tha këto fjalë: “Dy duar për një kokë, mos harro. Mos i pëlqe asnjë vajze, asnjë gjë.”
Kjo këshillë u interpretua menjëherë si një sugjerim i fortë për Mirin që të ruajë fokusin tek loja e tij individuale dhe të shmangë thellimin e raporteve apo përfshirjeve sentimentale me banoret brenda shtëpisë, duke marrë parasysh dinamikat e fundit.
