Tashmë që është ulur në karrigen e opinionistes së “Big Brother VIP Albania”, Monika Kryemadhi është kthyer pa diskutim në një nga personazhet më të komentuar dhe në qendër të vëmendjes së mediave rozë.
Duke qenë pjesë e formatit më të ndjekur në Shqipëri, publiku dhe ndjekësit e showbiz-it janë bërë tepër kuriozë për çdo detaj apo moment nga e kaluara e saj.
Së fundmi, vëmendja e rrjetit nuk ka shkuar tek deklaratat e saj gjatë spektaklit, por tek pamja e saj fizike ndër vite.
Në rrjetin social TikTok janë bërë virale disa pamje të vjetra televizive, të cilat tregojnë qartë se si dukej opinionistja vite përpara se të realizonte ndërhyrjet estetike.
Siç shihet nga fotot e publikuara, ndryshimi është vërtet i madh. E shfaqur me një model flokësh të shkurtër në ngjyrë bakri/të kuqërremtë dhe me linja e tipare mjaft të ndryshme nga imazhi i saj shumë i kuruar dhe modern (me flokë të shkurtër biondë) që shohim sot në ekranet e Prime-ve, ky transformim ka tërhequr vëmendjen e mijëra ndjekësve.
Këto pamje po bëjnë xhiron e rrjetit duke theksuar evolucionin e thellë në pamjen e saj ndër vite.
