Deklarata e këngëtares shqiptare me famë ndërkombëtare, Enisa, se në moshën 30-vjeçare është ende e virgjër, ka shkaktuar reagime të shumta, ndër të cilat ka spikatur ai i blogeres Dea Mishel.
Në një video reagim, Dea është shprehur se ndonëse nuk e gjykon faktin në vetvete pasi mund të jetë çështje rrethanash, asaj i duket e çuditshme nevoja për ta deklaruar këtë gjë publikisht.
“Ku do të dalësh kur ti thua që ke 30 vite jetë e virgjër?” – pyet ajo me habi.
Më tej, Dea ka dhënë një opinion mjaft të drejtpërdrejtë dhe personal, duke thënë se nëse ajo do të ishte në të njëjtën pozitë, do të shqetësohej për veten.
“Personalisht, po të isha 30 vjeçe e virgjër, do mendoja që kam një problem. Do shkoja në psikolog, do i thoja… vetëm unë s’po bëj seks, diçka është gabim këtu,” – u shpreh ajo.
Dea ironizoi gjithashtu trendin e vajzave shqiptare për ta përdorur virgjërinë si trofe ndershmërie, duke thënë se nuk ka pse deklarohet statusi i organit gjenital në ditëlindje.
Ajo e përmbylli mesazhin duke theksuar se ndonëse marrëdhënia duhet të jetë akt i shenjtë dhe duhet treguar kujdes, “duhet të jesh i kujdesshëm, po jo kaq i kujdesshëm”.
