Pas trazirave të fundit në “Big Brother VIP”, ku Rogerti u largua dhe u rikthye brenda natës, një mbështetje e fortë i ka ardhur nga jashtë.
Ish-konkurrenti i edicionit të kaluar, Xum Allushi, ka thyer heshtjen për të komentuar lojën e tij.
Përmes një postimi në rrjetet sociale, Xumi e ka cilësuar Rogertin si lojtarin absolut të këtij edicioni, duke i justifikuar edhe momentet e tij të tensionit.
“Sipas mendimit tim, Rogerti është lojtari më i sinqertë dhe më i fortë nga të gjithë,” – ka shkruar ai.
Sipas Xumit, shpërthimet apo reagimet e forta të Rogertit nuk janë shenjë agresiviteti, por drejtësie: “Reagimet e tij vijnë si pasojë e mbrojtjes së të drejtës së vet”.
Ky reagim vjen në një moment kritik për Rogertin, i cili pas debatit me opinionistët dhe daljes demonstrative, është rikthyer në shtëpi në pritje të verdiktit të publikut. Xumi i ka uruar atij fitoren, duke garantuar mbështetjen e tij deri në fund.
