Banorja e “Big Brother VIP”, Juela, ka treguar anën e saj më të ndjeshme përmes një rrëfimi prekës lidhur me një person të shtrenjtë të zemrës që nuk jeton më.
Në një moment reflektimi, ajo ka folur me fjalë zemre për partnerin e saj të ndjerë, duke e përshkruar atë me nota të larta vlerësimi. “Ai është një shpirt i bardhë. Qoftë i parajsës,” – është shprehur Juela, duke treguar se dhimbja e humbjes është ende prezente.
Ajo ka zbuluar se kujtimi i tij shërben si një motivim për të në përditshmëri: “E kujtoj çdo ditë si forcë. Ishte shumë i zgjuar”.
Gjithashtu, Juela ka bërë edhe një reflektim mbi kohën dhe pjekurinë, duke pranuar se nëse do ta kishte njohur në këtë fazë të jetës, gjërat do t’i shihte ndryshe.
“Ta kisha takuar tani e do e kisha vlerësuar akoma më shumë,” – ka përmbyllur ajo, duke emocionuar ndjekësit me këtë dedikim të sinqertë.
