Banori i “Big Brother VIP Kosova”, Londrimi, ka surprizuar me një kërkesë emocionale drejtuar ish-konkurrentit të këtij edicioni, këngëtarit Gjesti.
Teksa loja po shkon drejt fundit, ai ka shfrytëzuar kamerat për t’i dërguar një mesazh të drejtpërdrejtë mikut të tij, duke e ftuar për një vizitë të shkurtër në shtëpi.
“Gjesti, ky mesazh është për ty. Nëse je duke e parë këtë dhe nëse ne shkojmë në finale, dëshira ime më e madhe është që të vish për 24 orë dhe t’i kalosh me ne në këtë shtëpi”, u shpreh ai.
Më tej, Londrimi tha: “E di që do të duhet t’i përjetosh sërish disa trauma, por edhe ne jemi duke vuajtur njëjtë. Kështu që të lutem eja – të duam shumë”.
Ftesa e hapur ka ngjallur interes te publiku, të cilët tani presin një reagim nga këngëtari nëse do të pranojë të bëhet sërish pjesë e shtëpisë, qoftë edhe për pak orë.
