Aktori dhe këngëtari i njohur, Olsi Bylyku, ka qenë i ftuar në programin “Mirëmbrëma Yje” të Arbana Osmanit, ku përveç karrierës, është ndalur edhe te detajet e jetës personale.
Gjatë bisedës për pasionin e tij ndaj artit trupor, Olsi është pyetur nëse ka ndonjë tatuazh për të cilin është penduar.
Pa hezituar, ai ka pranuar se bëhet fjalë për tatuazhin e përbashkët (couple tattoo) që kishte bërë dikur me ish-partneren e tij, Egli Tako.
Dyshja kishin gdhendur në trup simbolikën e plotësimit të njëri-tjetrit: njëri kishte gjysmë-hënën dhe tjetri gjysmë-diellin.
Por, me përfundimin e lidhjes, duket se edhe kuptimi i këtij tatuazhi u zbeh. Olsi tregoi se ka vendosur ta mbulojë atë përfundimisht.
“E kam mbuluar duke bërë një figurë maske mbi të,” rrëfeu aktori.
View this post on Instagram
Nga ana tjetër, Egli Tako nuk ka bërë asnjë deklaratë publike lidhur me këtë çështje.
Megjithatë, ndjekësit e vëmendshëm kanë vënë re në fotot e saj të fundit në rrjetet sociale se tatuazhi nuk duket më, çka lë të kuptohet se edhe ajo, ashtu si Olsi, mund ta ketë fshirë ose mbuluar kujtimin e romancës së tyre disavjeçare.
Screenshot
Screenshot
