Shtëpia e “Big Brother VIP Albania” është ndezur flakë nga romanca, duke shënuar zyrtarisht çiftin e parë të këtij sezoni. Pas ditësh afrimiteti dhe lojërash, Ina dhe Keijsi kanë thyer çdo barrierë miqësore, duke shkëmbyer puthje pasionante në një moment intim.
Dyshja, e cila fillimisht u shfaq e afërt dhe e përqafuar, nuk ka mundur t’i rezistojë më tërheqjes fizike, duke konfirmuar atë që publiku e dyshonte prej kohësh: mes tyre ka më shumë se thjesht shoqëri.
Ky zhvillim bëhet edhe më interesant duke pasur parasysh të kaluarën e tyre të përbashkët në programin “Për’Puthen”. Asokohe, historia e tyre shkaktoi zhurmë, pasi Keijsi ishte në një lidhje me Stelinën, një marrëdhënie që përfundoi dhe ku afrimiteti me Inën u përmend si një nga shkaqet kryesore.
Edhe pse në hyrje të BBV ata këmbëngulën se ishin thjesht “shokë të mirë”, maska ka rënë. Megjithatë, kjo romancë vjen në një moment kritik. Të dy ndodhen aktualisht në televotim, së bashku me Mirin, Selin dhe Lornën. Mbetet për t’u parë nëse kjo puthje do të jetë “biletë shpëtimi” nga publiku apo fillimi i një strategjie të re loje.
