Një moment mjaft emocional ka përfshirë shtëpinë gjatë një bisede të fundit, ku Lim Hoti ka hapur zemrën për një humbje të dhimbshme personale.
Mes lotësh, ai ka kujtuar mikun e tij të ndjerë, duke lënë të kuptohet se bëhet fjalë për një personazh shumë të njohur për publikun.
“E kam humbur një shok edhe ai është, ju krejt e njihni. Por s’po ua them dot. Nuk e them dot. Ishte shoku im i ngushtë”, u shpreh Limi, duke treguar se kjo ngjarje ka lënë gjurmë të pashlyeshme tek ai.
Teksa banorët e tjerë e dëgjonin me vëmendje, ai vazhdoi: “Zoti i merr të mirët. Nuk mund të flas më shumë. Të gjithë e njihni”.
Pavarësisht insistimit të banorëve për të mësuar se për kë bëhej fjalë, biseda është ndërprerë menjëherë nga Vëllai i Madh.
Produksioni i tërhoqi vërejtje Limit, duke i kujtuar rregullat strikte që ndalojnë diskutimin për persona apo ngjarje të caktuara nga jashtë, duke e lënë kështu mister emrin e personit për të cilin ai po vajtonte.
