Pas një periudhe të gjatë heshtjeje dhe dhimbjeje, këngëtari i njohur Gjesti është rikthyer në rrjetet sociale me një mesazh prekës për ndjekësit e tij.
Ky është reagimi i tij i parë publik pas ndarjes tragjike nga jeta të vëllait të tij, Elidion Kelmendi.
Gjesti ka ndjerë nevojën të falënderojë të gjithë ata që i qëndruan pranë në këto momente të errëta.
“Ju falenderoj që më keni qëndruar afër mua dhe familjes time në këtë periudhë të vështirë. Ka qenë e rëndësishme që këtë kohë të rrija larg rrjeteve sociale, të merresha me veten dhe familjen time,” u shpreh ai.
Përveç urimit për Vitin e Ri, ku theksoi rëndësinë e shëndetit dhe familjes, Gjesti dha edhe lajmin që fansat prisnin, duke konfirmuar datën e rikthimit në skenë.
“Dua t’iu tregoj se në vitin 2026, në Janar i kthehem muzikës, aty ku e kam vendin,” përfundoi ai, duke sinjalizuar mbylljen e periudhës së zisë artistike.
