Në një episod të fundit të emisionit të saj “Mirëmbrëma Yje”, Arbana Osmani kishte të ftuar moderatorin Besim Dina.
Gjatë intervistës, kur po flitej për jetën dhe historinë e tij personale, Arbana e pyeti se kush ia kishte vendosur emrin.
Përgjigjja e Dines ishte e thjeshtë: “Ma ka vendosur vëllai.”
Por pyetja e rradhës nga Arbana bëri që momenti të kthehej në një gafe të vogël dhe shumë të komentuar në rrjetet sociale: “Vëllai është më i madh se ti?”
Ky moment u bë menjëherë viral, duke nxitur shumë komente dhe meme nga shikuesit e emisionit.
Fansat dhe ndjekësit e mediave sociale nuk i kursyen komentet dhe shpërndanë gjerësisht videon e pyetjes, duke e kthyer në një nga momentet më të përfolura të emisionit.
Jo vetëm Arbana Osmani ka pasur raste të tilla, një gafe e njëjtë ka ndodhur më parë edhe me moderatoren Rudina Magjistari, e cila gjithashtu ishte bërë shumë e njohur në rrjet për këtë lloj momenti humoristik.
Ky episod tregon se edhe moderatorët më me përvojë mund të kenë momente “gafash”, që shpesh bëhen viral në media.
