Futbollisti i njohur i kombëtares, Mirlind Daku, dhe partnerja e tij Vesa Vllasaliu, pritet të provojnë së shpejti ndjesinë e prindërimit për herë të parë, ndërsa tashmë është zbuluar edhe një detaj i rëndësishëm për foshnjën.
Lajmi i pritjes së ëmbël qarkullon prej muajsh në media, fillimisht i raportuar nga “Prive”, por së fundmi vetë Vesa ka ndarë në rrjetet sociale disa fotografi ku barku i saj i rrumbullakosur duket qartë, duke konfirmuar heshturazi thashethemet që qarkullonin.
Sipas burimeve të fundit nga “IndeksOnline”, çifti është në pritje të një vajze. Pritja po shkon drejt fundit, pasi data e parashikuar e lindjes raportohet të jetë në fund të këtij muaji (Dhjetor) ose në fillim të Janarit, duke e bërë këtë periudhë festash edhe më emocionuese për ta.
Edhe pse dyshja ka zgjedhur të ruajë hermetizmin duke mos bërë asnjë deklaratë publike zyrtare për këtë kapitull të ri, konfirmimi vizual dhe burimet pranë tyre tregojnë se gjithçka është gati për ardhjen në jetë të vogëlushes.
