Një punëtor i ri në fermë ka humbur jetën tragjikisht në moshën 31-vjeçare, vetëm pak javë pasi pësoi komplikacione të rënda nga pickimi i një mize, çka i shkaktoi sepsis.
Andrew Kane, 31 vjeç, ishte plotësisht i shëndetshëm kur u pickua në bërryl nga një mizë kali gjatë punës në një fermë. Fillimisht iu dhanë antibiotikë dhe dukej se po shërohej, por shërimi nuk ndodhi.
Ai kaloi pesë javët e ardhshme duke luftuar me infeksionin në spital.
Nëna e tij, Rachel Kane, 52 vjeçe, tregoi se gjendja e tij u përkeqësua shpejt, ndërsa organet e tij filluan të çaktivizoheshin. Ajo ishte pranë djalit deri në fund:
“Ai ishte një djalë i madh dhe i fortë. Nuk e kisha imagjinuar kurrë se pickimi i një mize mund të çonte në këtë. Ka qenë e tmerrshme.”
Rachel beson se djali i saj e dinte se po vdiste. Edhe pse në gjendje kritike, Andrew tregoi se ishte një njeri shumë i kujdesshëm. Ai i kërkonte nënës së tij t’u sillte çokollata infermierëve që kujdeseshin për të dhe u shpreh se duhet t’u thoshte shokëve që ishte në spital, në mënyrë që ata të dinin të vinin në funeralin e tij.
Vdekja e tij, në 18 shtator, la pas vajzën, Skylar, dhe dy motrat e tij.
