Futbollisti i Kombëtares Shqiptare, Jasir Asani, është bërë viral në rrjetet sociale, duke e “kërcënuar” TikToker-in e njohur, Kozak Braçi, në bashkëpunim me një tjetër personazh të rrjetit.
Videoja, e cila rezulton të jetë në kuadër të shakasë, shfaq Jasir Asanin dhe kolegun e tij të Kombëtares, Ylber Ramadani, krah TikToker-it të quajtur “Greca”.
Greca, i cili shpesh bën “karshillëk” (provokime) ndaj Kozak Braçit, kërkoi ndihmën e dy futbollistëve.
Në video, Greca i drejtohet Kozakut: “O Kozi e pe Shqipëri – Serbi? Me këta të dy do të të thër. Ylber Ramadanin edhe… ça do pësojë Kozi?”
Më pas, Jasir Asani ndërhyn drejtpërdrejt, duke i shtuar theksin batutës: “Kozi ke marrë fund!”
E gjithë kjo situatë u trajtua si një shaka mes personazheve të rrjetit, por tregon se si futbollistët e Kombëtares janë të vetëdijshëm për dinamikat dhe provokimet me humor që ndodhin në platformat sociale.
