Prezantuesja Roza Lati ka shuar të gjitha dyshimet dhe zërat në rrjetet sociale për një krizë apo ndarje të mundshme me partnerin e saj, Xhonatan Islami, pas disa veprimeve që nxitën aludime.
Ditët e fundit, në rrjet u përfol për një ndarje të çiftit, pasi u vu re se fotot e tyre të përbashkëta ishin fshirë nga llogaritë personale në rrjetet sociale, një veprim që zakonisht shoqëron fundin e një lidhjeje.
Megjithatë, fundin e këtyre spekulimeve e ka sjellë vetë Roza Lati. Ajo ka postuar në Instagram një foto ku shfaqet së bashku me Xhonatanin, teksa ecin në një vijë këmbësorësh, duke i mbajtur dorën njëri-tjetrit.
Ajo e ka shoqëruar imazhin me një dedikim të shkurtër, por domethënës, duke shkruar: “…sepse s’ja leshuam doren njeri tjetrit asnje moment.”
Ky postim shërben si një konfirmim i qartë se lidhja mes tyre është ende e fortë, duke hedhur poshtë me elegancë të gjitha thashethemet që qarkulluan në media dhe në rrjetet sociale pas fshirjes së fotove.
