Pak para nisjes së Samitit të 7-të të Komunitetit Politik Europian në Kopenhagen, kryeministri i Shqipërisë Edi Rama ka ironizuar gafën e presidentit amerikan, Donald Trump, i cili kishte ngatërruar Shqipërinë me Armeninë.
Në një video që është bërë virale në rrjetet sociale, Rama i drejtohet presidentit francez Emmanuel Macron dhe thotë:
“Ti duhet të kërkosh falje, këtu, ne të dyve, sepse nuk na urove për marrëveshjen e paqes që Presidenti Trump bëri mes Shqipërisë dhe Azerbajxhanit.”
Gafa ndodhi gjatë një fjalimi të Trump-it, kur ai përmendi Shqipërinë në vend të Armenisë, duke thënë se “është shuar konflikti me Azerbajxhanin”.
