Spekulimet për një shtatzëni të re të Georgina Rodriguez kanë ndezur rrjetet sociale dhe mediat spanjolle, pas paraqitjes së saj në një gala në New York.
Gjatë emisionit “¡Vaya fama!”, u vu në pah një fryrje e lehtë e barkut të influencueses, e cila u shfaq me një fustan të zi elegant dhe të ngushtë.
Edhe pse asgjë nuk është konfirmuar zyrtarisht nga çifti, pamjet kanë mjaftuar për të ushqyer dyshimet se Georgina mund të jetë sërish në pritje të ëmbël.
Një gjë është e sigurt: dëshira e Cristiano Ronaldos për një familje të madhe është e njohur prej kohësh.
Nëse lajmi vërtetohet, ky do të ishte fëmija i shtatë i yllit portugez (ose i teti në rast binjakësh). Ronaldo u bë baba për herë të parë në vitin 2010 me lindjen e Cristiano Jr., fëmijë që mbetet i rrethuar nga misteri për origjinën e tij.
Në vitin 2017, erdhën në jetë binjakët Eva dhe Mateo përmes një nëne surrogate, e po atë vit lindi edhe Alana Martina, vajza e parë e Georginës. Në vitin 2022, çifti përjetoi si lumturinë e lindjes së Bella Esmeralda, ashtu edhe dhimbjen e humbjes së binjakes së saj, Angel, që nuk mbijetoi pas lindjes.
Për momentin, mbetet për t’u parë nëse thashethemet do të marrin formë zyrtare me një njoftim nga vetë çifti
