Kryeministri Edi Rama ka njoftuar sot në rrjete sociale se Shqipëria pritet të hapë katër kapituj të rinj në negociatat për anëtarësim në Bashkimin Evropian, në kuadër të Konferencës së 6-të Ndërqeveritare që zhvillohet në Bruksel.
“Sot presim të hapim edhe katër kapituj të tjerë të negociatave për anëtarësim në BE, që i shtohen 24 kapitujve të hapur në vetëm 11 muaj, një ritëm rekord,” shkroi Rama, duke e shoqëruar mesazhin me një urim për një ditë të mbarë.
Kapitujt që pritet të hapen i përkasin Grupit 4: “Agjenda e Gjelbër dhe Lidhshmëria e Qëndrueshme”, që përfshijnë energjinë, transportin, mjedisin dhe rrjetet transevropiane.
