Një grup studiuesish japonezë ka zhvilluar një teknikë të re tepër të veçantë që mund të fshijë kujtime nga truri duke përdorur dritën blu.
Kjo qasje ndikon drejtpërdrejt në lidhjet nervore që mbajnë kujtimet, duke i dobësuar ose eliminuar ato që lidhen veçanërisht me aftësitë motorike të mësuara.
Gjatë testimeve, u vu re se ekspozimi i disa rajoneve të trurit ndaj dritës blu shkakton tkurrjen e “spinave” nervore – struktura të vogla që shërbejnë si mbajtëse të kujtimeve.
Si rezultat, kujtimet e fituara nga trajnimi humbasin. Ky proces prek vetëm një pjesë të kufizuar të neuroneve (rreth 10-20% të tyre), çka i lejon shkencëtarët të ndërhyjnë në kujtime specifike pa prishur ato të tjera.
Megjithëse metoda është ende në fazë kërkimore, ajo hap horizonte të reja për trajtimin e kujtimeve të dëmshme ose traumave, duke ofruar një kontroll shumë më të saktë.
Ekspertët mendojnë se në të ardhmen kjo teknologji mund të përdoret për të eliminuar kujtime që shkaktojnë shqetësime psikologjike apo pasoja emocionale.
Ky zbulim konsiderohet një hap i rëndësishëm në neuroshkencë dhe mund të sjellë përfitime të mëdha në trajtimin e çrregullimeve mendore, duke ofruar një mënyrë më të sigurt dhe të avancuar për menaxhimin e kujtimeve.
