Një vajzë ka dërguar një mesazh të pazakontë në redaksi, ku rrëfen përvojën e saj shqetësuese pas blerjes së një lodre koleksionuese të njohur si Labubu – figura që është bërë virale në rrjete sociale, veçanërisht mes të rinjve dhe fëmijëve.
Sipas saj, situata ka ndodhur gjatë natës, kur ka dëgjuar zhurma të çuditshme dhe ka përjetuar disa momente frike që ajo i lidh me praninë e kësaj lodre në shtëpi.
Në rrëfimin e saj thuhet:
“Labubu është bazuar në një nga demonët më të rrezikshëm. Dje natën, rreth orës 1 ose 2, kur po përpiqesha të flija, dëgjova një zhurmë, si të ishte përplasur diçka. Mendova se ishte normale pasi jetoj në një pallat me shumë njerëz. Më pas e dëgjova sërish, por këtë herë më afër. U çova të kontrolloja dhe pashë Labubun në tokë përballë meje. Unë i mbaja në dollap, që nuk është afër…”
Vajza shprehet se u tremb edhe më shumë kur dera u hap vetë dhe të gjitha figurat e tjera Labubu ranë në tokë. Ajo shton se kishte dëgjuar më herët zëra në rrjet për origjinën e diskutueshme të figurës, të lidhur me emrin “Pazuzu” – një figurë e njohur në mitologji si demon.
“Nga frika i mora të gjitha dhe i hodha te plehrat në orën 2 të natës. Më pas u luta dhe nuk fjeta më fare.”
Në fund të mesazhit, ajo bën një thirrje:
“Ju lutem, lajmëroni njerëzit, sidomos prindërit! Fëmijët dhe bebet po fiksohen pas këtyre lodrave, por askush nuk e di se çfarë janë në të vërtetë.”
Edhe pse përvojat e tilla janë personale dhe të lidhura shpesh me ndjeshmërinë individuale, rasti ka ndezur diskutime online lidhur me efektin psikologjik që disa lodra apo figura vizuale mund të kenë tek fëmijët ose adoleshentët, sidomos kur mbështillen me elementë misteriozë apo “të errët”.
Në çdo rast, ekspertët sugjerojnë që prindërit të jenë të kujdesshëm me përmbajtjet, trendet dhe objektet që fëmijët marrin si pjesë e lojës apo koleksioneve personale.
