Pas shpalljes së saj si Miss Universe Albania 2025, Flavia Harizaj është kthyer në një nga personazhet më të përfolura në vend.
E ndërsa rrjetet sociale janë mbushur me urime dhe mbështetje për përfaqësuesen e Shqipërisë në kompeticionin prestigjioz “Miss Universe”, nuk kanë munguar as komentet kritike dhe akuzat për ndërhyrje estetike, të fokusuara kryesisht tek pamja e saj fizike.
Përballë këtyre spekulimeve dhe gjykimeve të menjëhershme, Flavia ka zgjedhur të përgjigjet në mënyrë indirekte.
Në një Instastory të publikuar sot, ajo ndau një foto nga fëmijëria, të cilën e shoqëroi me një fjalë të vetme, por domethënëse: “Genes”.
Përmes këtij postimi, Harizaj duket se ka dashur të theksojë se tiparet e saj janë rezultat i trashëgimisë gjenetike, duke hedhur poshtë aludimet për ndërhyrje dhe duke nënvizuar natyralitetin e pamjes së saj.
