Pas javësh të tëra spekulimesh dhe fotove që bënë xhiron e rrjetit, Lumbardh Salihu, fituesi i edicionit të dytë të Big Brother VIP Kosova, ka vendosur të flasë për herë të parë.
I ftuar në emisionin “Studio A”, ai reagoi ndaj lajmeve që e përfshinin në një marrëdhënie romantike me këngëtaren e njohur Semi Jaupaj, duke i cilësuar ato si “të pavërteta” dhe duke theksuar se mes tyre ekziston vetëm një miqësi.
“Më kanë dërguar disa artikuj… Është normale me pas shokë dhe shoqe, nuk ka asgjë më tej. Jetën private nuk kam qejf shumë,” – u shpreh Lumbardhi, duke bërë të qartë se raporti i tyre nuk ka kaluar kufijtë e shoqërisë.
Spekulimet për një lidhje mes dyshes nisën pasi ‘Prive’ publikoi disa foto ku Lumbardhi dhe Semi shiheshin së bashku, të buzëqeshur dhe në momente të afërta, gjë që ndezi menjëherë thashethemet në rrjet.
