Alfio Rrotani e kishte konfirmuar prej ditësh se është në një lidhje të re dashurie, por deri më sot nuk kishte zbuluar as portretin dhe as emrin e partneres për publikun.
Megjithatë, gjatë ditës së sotme, kuzhinieri i njohur publikoi një foto të ëmbël krah vajzës që i ka rrëmbyer zemrën – një postim i thjeshtë, pa përshkrim, por mjaftueshëm domethënës.
Burime për Iconstyle kanë zbuluar se vajza në fjalë është Joana Gjonaj – një inxhiniere dhe sipërmarrëse me prani aktive në rrjetet sociale.
Ajo njihet për stilin e saj të përmbajtur dhe diskret, por sot ndau gjithashtu një InstaStory përkrah Alfios në të njëjtën pamje përqafimi, duke e bërë tashmë të qartë për të gjithë.
Të dy kanë zgjedhur ta mbulojnë pjesërisht fytyrën me telefon, por afërsia në foto flet vetë.
Edhe pse nuk kanë bërë ende një deklaratë të drejtpërdrejtë, për ndjekësit kjo është më shumë se një konfirmim.
