Reperi i njohur shqiptar Feronit Shabani, i njohur për publikun me emrin artistik Fero, dhe ish-bashkëshortja e tij, modelja Arbenita Ismajli, janë paraqitur sot në gjykatë për një seancë që u zhvillua me dyer të mbyllura, pa praninë e mediave.
Lajmin e ka bërë të ditur Klan Kosova, duke shtuar se përfaqësuesit ligjorë të Feros nuk dhanë asnjë deklaratë për gazetarët dhe nuk zbuluan detaje rreth përmbajtjes së seancës.
Prej disa muajsh, dyshja janë përfshirë në një betejë të vazhdueshme ligjore për kujdestarinë e vajzës së tyre të mitur.
Mosmarrëveshjet mes tyre janë bërë shpesh publike, sidomos përmes rrjeteve sociale dhe intervistave ku Fero ka shprehur pakënaqësi të theksuar për situatën.
Ai e ka akuzuar Arbenitën për mosrespektim të marrëveshjes së kujdestarisë, duke deklaruar se ka qëndruar për muaj të tërë pa e parë vajzën e tij.
Reperi ka reflektuar edhe në muzikën e tij mbi këtë çështje, duke ndarë me publikun ndjenjat dhe vështirësitë që po përjeton si prind.
Nga një çift që dikur konsiderohej ndër më të përfolurit në skenën e showbiz-it shqiptar, sot Fero dhe Arbenita ndodhen përballë një procesi të ndërlikuar gjyqësor që ka në qendër të tij kujdestarinë prindërore.
