Inteligjenca ushtarake e Ukrainës, ka publikuar një regjistrim audio të përgjuar, që zbulon një akt tronditës midis forcave ruse në vijat e frontit ukrainas.
Në regjistrim, një komandant nga një njësi zbulimi – që thuhet se është pjesë e Divizionit të 68- të të Pushkëve të Motorizuara të Rusisë – raporton se një ushtar, i identifikuar me shenjën e thirrjes Brelok, vrau dhe konsumoi shokun e tij, ushtarin Foma gjatë dy javëve.
“Askush nuk iku. Brelok e nxori jashtë dhe pastaj e hëngri për dy javë të tëra”, dëgjohet të thotë komandanti.
Sipas përgjimit, të dy ushtarët shërbenin në Batalionin e 52-të të Veçantë të Zbulimit, që vepronte pranë Zapadne dhe Lyman Pershyi në sektorin Kupiansk të Oblastit Kharkiv.
Audioja tregon më tej se Brelok u gjet më vonë i vdekur.
“Ai e hëngri shokun e tij, kështu që kjo është diçka për të cilën duhet menduar”.
Inteligjenca ukrainase e paraqet regjistrimin si provë të një kolapsi të thellë psikologjik dhe moral brenda radhëve ruse, duke ia atribuar atë të paktën pjesërisht strategjive agresive të rekrutimit të Rusisë.
Gjatë rrjedhës së luftës, Rusia është drejtuar gjithnjë e më shumë drejt popullatës së burgjeve për të rimbushur radhët e saj ushtarake, duke përfshirë shkelës të dhunshëm dhe vrasës të dënuar.
