Finalja e spektaklit “Ferma VIP 2” solli emocione të forta dhe një përmbyllje të bujshme për edicionin e dytë të reality show-t, por vëmendja e një pjese të publikut u përqendrua te paraqitja e moderatores Luana Vjollca.
Luana ishte e veshur me një fustan elegant nga marka e njohur luksoze Schiaparelli, pjesë e koleksionit SS23 RTW.
Fustani, një kombinim i të zezës dhe nuancës panna, ishte i gjatë, pa mëngë, me bust të hapur dhe materiale të alternuara mes satenit dhe kadifes. Silueta e prerë me kujdes theksonte linjat dhe kishte një stil klasik, por me prekje bashkëkohore.
Sipas faqes zyrtare të Schiaparelli, çmimi i këtij fustani arrin në 10,500 euro.
I njëjti model është parë më herët të vishet nga Mariah Carey, në ndarjen e çmimeve American Music Awards 2024, si edhe nga influencuesja italiane Bianca Brandolini, në tapetin e kuq të Festivalit të Filmit në Venecia.
Por pamja luksoze e Luanës nuk përfundoi aty. Në momentin kur finalisti u shpall fitues, ajo u shfaq në fermë me një tjetër fustan të markës, duke ruajtur po të njëjtin standard elegance dhe shije të spikatur për stilin.
Zgjedhja e saj për veshjen finale e konfirmon edhe një herë vendin që Luana Vjollca ka ndërtuar si figurë publike që i kushton rëndësi të veçantë detajit, dukjes dhe prezencës në skenë.
