Kremlini ka dhënë një paralajmërim të fortë për shtimin e tensioneve mes Iranit, Izraelit dhe Shteteve të Bashkuara, duke deklaruar se çdo përpjekje për të vrarë liderin suprem të Iranit, Ayatollah Ali Khamenei, do të ishte një provokim të papranueshëm dhe do të kishte pasoja katastrofike për botën.
Dmitry Peskov, zëdhënës i Kremlinit, ka theksuar se situata është jashtëzakonisht e tensionuar dhe e rrezikshme jo vetëm për rajonin, por edhe për botën në përgjithësi.
Ai shtoi se një zgjerim i përfshirësve në këtë konflikt mund të jetë edhe më i rrezikshëm dhe do të çonte në një rreth të ri përplasjesh dhe përshkallëzimi të tensioneve.
Peskov theksoi se Rusia do të reagonte “shumë negativisht” ndaj çdo përpjekjeje për të vrarë Khamenei, duke paralajmëruar se kjo do të shkaktonte një pasiguri të pakontrolluar në rajon dhe përtej tij.
Komentet e tij vijnë mes dyshimeve të rritura për mundësinë e ndërhyrjes amerikane në konfliktin Izrael-Iran.
Presidenti Trump kohët e fundit sugjeroi përmes mediave sociale se po shqyrton mundësinë e veprimeve ushtarake ndaj Teheranit dhe përmendi mundësinë e sulmimit të liderëve të lartë iranianë. Ai tha se një vendim për pjesëmarrjen e ushtrisë amerikane do të merret brenda dy javësh.
