Një ngjarje e rëndë është regjistruar në një plazh të Selanikut në Greqi, por që fatmirësisht pati një fund të lumtur për fëmijën dhe familjarët e tij.
Mediat fqinje raportojnë se një djalë i moshës 4 vjeç, me origjinë nga Serbia, teksa ishte duke u larë në plazhin e Nea Vrasnës, pësoi një krizë epileptike, duke rezultuar në mbushjen e mushkërive me ujë dhe atak kardiak.
Fatmirësisht, një mjek ndodhej aty pranë, i cili gjithashtu ishte me origjinë nga Serbia, nisi të bënte reanimacionin kardiopulmunar. Kjo bëri që i mituri të vinte në jetë, pak përpara se të vinte ambulanca. Më pas, fëmijës iu dha dhe oksigjeni i nevojshëm.
I mituri u dërgua në Qendrën Shëndetësore Nea Madytou, teksa tani ndodhet jashtë rrezikut për jetën
