Këngëtarja e njohur Billie Eilish ka bërë të ditur romancën e saj me aktorin Nat Wolff, pas një puthjeje pasionante që u filmua në një ballkon në Venecia, Itali.
Ky moment i shkrepur nga paparacët ka konfirmuar përfundimisht lidhjen mes dyshes, e cila ishte përfolur prej kohësh.
Pavarësisht se lidhja e tyre ishte spekuluar nga fansat, as Billie dhe as Nat nuk kishin reaguar deri tani. Por, fotot e shpërndara tashmë bëjnë të qartë se miqësia e tyre ka kaluar në një fazë më serioze.
Në momentin e kapur nga paparacët, dyshja po shijonin një gotë shampanjë, duke qeshur, bërë foto dhe duke shkëmbyer puthje pasionante.
