Një ilaç i fuqishëm për rënien e flokëve, i paautorizuar, dyshohet se ka çuar drejt vdekjes së papritur një mësuesi të ri nga Anglia.
Sam Applegarth, 31 vjeç, humbi jetën tragjikisht në Dubai, vetëm pesë javë pasi ishte zhvendosur atje për një pozicion të ri pune si mësues edukimi fizik.
Hetimet zbuluan se Sam kishte filluar përdorimin e një medikamenti të quajtur dutasteride, një ilaç që zakonisht përshkruhet për trajtimin e prostatës së zgjeruar, por që disa burime e përdorin jashtë praktikës mjekësore për të frenuar rënien e flokëve.
Dutasteridi përdoret kryesisht për të trajtuar një prostatë të zmadhuar dhe nuk është i licencuar në Mbretërinë e Bashkuar për të trajtuar rënien e flokëve, tha burimi
Ky ilaç nuk është i licencuar në Mbretërinë e Bashkuar për përdorim në trajtimet kundër rënies së flokëve dhe u sigurua prej tij në mënyrë të pavarur, pa dijeninë e mjekut specialist.
Applegarth kishte vite që luftonte me rënien e flokëve dhe kishte ndjekur trajtime të njohura si minoxidil, finasteride, si dhe kishte kryer një transplant flokësh dhe procedura të tjera mbështetëse. Por kalimi i tij tek dutasteride – një medikament më i fortë – ndodhi pa ndihmën apo udhëzimin e profesionistëve.
Ai u gjet pa shenja jete në apartamentin e tij në Dubai. Asnjë letër lamtumire nuk u gjet, dhe analiza pas vdekjes nuk tregoi prani alkooli apo lëndësh të tjera. Sipas mjekëve, nuk kishte shenja të mëparshme të gjendjes së rënduar mendore.
Gjatë seancës gjyqësore në Wakefield, mjeku i tij, Dr. Bessam Farjo, tha se finasteride është lidhur me efekte anësore si mendime vetëvrasëse, ndërsa për dutasteride mungojnë të dhënat, ndonëse kjo mund të jetë për shkak të nën-raportimit nga pacientët.
E dashura e tij, Anya Guy, bëri thirrje që njerëzit që përjetojnë efekte të tilla anësore t’i raportojnë ato, për të shmangur raste të tjera tragjike.
Sam Applegarth ishte i njohur si një mësues i përkushtuar dhe një trajner sportiv i dashur nga nxënësit dhe komuniteti. Vdekja e tij ka shkaktuar tronditje të madhe në rrethin e tij familjar dhe profesional.
