Një udhëtim relaksues në Dubai për Nur Al Khazal, ish-banore e “Ferma VIP 2”, ka marrë një kthesë të papritur.
E njohur për praninë e saj në ekran dhe rrjetet sociale, Nur ishte duke pushuar së bashku me shoqen e saj, kur një incident shëndetësor e detyroi të ndryshojë planet.
Burime pranë emisionit “Prive” bëjnë me dije se ajo ka pësuar një dëmtim në hundë, zonë në të cilën kishte kryer më parë një ndërhyrje estetike. Ky dëmtim ka sjellë komplikime që kërkuan kujdes të menjëhershëm mjekësor.
Si pasojë, Nur është shtruar në një spital në Dubai, ku i është nënshtruar një operacion të dytë në hundë. Ndërhyrja është kryer nga mjekët lokalë dhe ka pasur si qëllim trajtimin e dëmtimit dhe parandalimin e problemeve të mëtejshme.
Aktualisht, ajo ndodhet ende nën mbikëqyrje mjekësore dhe do të qëndrojë edhe disa ditë në spital, derisa të përfundojë rikuperimi.
Ndërkohë, ajo nuk ka bërë ende asnjë reagim publik në lidhje me ngjarjen.
