A të ka ndodhur të shohësh shpesh ëndërr sikur je shtatzënë? Ndonëse kjo mund të duket e çuditshme apo shqetësuese në fillim, ëndrrat e tilla janë shumë më të zakonshme sesa mendon dhe shpesh mbartin kuptime simbolike të thella.
Sipas psikologes Michele Goldman, terapistët si Freud, Jung dhe Adler e kanë analizuar shtatzëninë në ëndrra si një shprehje e nënvetëdijes, dëshirave të paplotësuara, frikërave apo transformimeve të brendshme.
Përtej teorive psikologjike, shumë studiues theksojnë se ëndrrat janë mënyra se si truri organizon kujtimet dhe emocionet, por nuk ka një shpjegim “shkencor” përfundimtar. Sërish, disa nga kuptimet më të shpeshta të kësaj ëndrre janë:
1. Po tenton të mbetesh shtatzënë
Nëse je në një fazë ku dëshiron një fëmijë ose po punon për këtë, ëndrra është thjesht një reflektim i dëshirës tënde të vetëdijshme.
2. Ke frikë se mos mbetesh shtatzënë
Në të kundërt, nëse nuk je gati për një shtatzëni, ëndrra mund të pasqyrojë ankthin ose frikën ndaj një përgjegjësie të tillë.
3. Një kujtim nga e kaluara
Nëse ke qenë më parë shtatzënë, ëndrra mund të jetë një rikujtim emocional i një periudhe me shumë ndjeshmëri dhe ngarkesë psikologjike.
4. Po “i jep jetë” një projekti të ri
Shtatzënia në ëndërr simbolizon krijim dhe zhvillim. Mund të jesh në prag të një ideje, biznesi, projekti apo ndryshimi të rëndësishëm në jetë.
5. Po përkujdesesh për dikë
Nëse je e mbingarkuar duke ndihmuar dikë, ëndrra e shtatzënisë mund të pasqyrojë ndjenjën e përgjegjësisë që ke marrë përsipër.
6. Po përjeton ndryshime të brendshme
Shtatzënia mund të simbolizojë transformime emocionale, një version i ri i vetes që po formohet brenda teje.
7. Trupi yt po të jep sinjale
Disa herë, thjesht duhet të shkosh në tualet gjatë natës – dhe truri e kodon këtë nevojë përmes një ëndrre për shtatzëni. E pazakontë, por e vërtetë!
8. Je gati për diçka më të madhe
Shtatzënia mund të përfaqësojë një pjekuri shpirtërore – ndoshta po hyn në një fazë ku je gati të marrësh përgjegjësi më të mëdha ose të bëhesh pjesë e diçkaje që tejkalon veten.
