Pavarësisht skandalit të përmasave të mëdha që ka bërë jehonë në mediat australiane dhe shqiptare, aktori i njohur i humorit, Elvis Pupa, duket se vazhdon të gëzojë një mbështetje të madhe nga publiku shqiptar.
Një postim i tij në Instagram, i publikuar disa ditë para se rasti të bëhej publik, ka tërhequr vëmendje të jashtëzakonshme në orët e fundit.
Komentet e shumta që po shtohen në këtë postim pas publikimit të ngjarjes, shprehin hapur përkrahjen për aktorin. Madje, një komentues i shkon situatës më thellë, duke akuzuar qeverinë shqiptare se është ajo që fshihet pas kësaj ngjarjeje.
Kjo valë reagimesh tregon se ndonëse ndaj tij rëndojnë akuza serioze nga autoritetet australiane, figura e Elvis Pupës vazhdon të ketë një ndikim të fortë në publikun shqiptar, i cili në pjesën më të madhe është pozicionuar në mbështetje të tij.
