Tashmë që “Big Brother VIP Albania 4” ka mbaruar, Neda Balluku ka vendosur të flasë hapur për përvojën e saj dhe për raportin që ka me opinionistin Arbër Hajdari.
E ftuar në emisionin “Ftesë në 5”, Neda rrëfeu se një nga gjërat më të vlefshme që ka marrë nga ky format është pikërisht njohja me Arbrin.
“Më ngjan shumë… më ka pritur me një qasje shumë pozitive që në momentin e parë,” u shpreh Neda.
Ajo tha gjithashtu se edhe pse kanë pasur diskutime gjatë spektaklit, marrëdhënia e tyre nuk është lëkundur:
“Pinim kafen bashkë, flisnim për fëmijët, pasionet, jetën jashtë Big Brother. Kjo tregon profesionalizëm, por edhe një lidhje njerëzore shumë të pastër.”
Sipas Nedës, Arbri ka qenë gjithmonë respektues dhe dashamirës ndaj saj:
“E ndieja që më respektonte dhe nuk ma kursente kurrë këtë ndjesi”.
