Emisioni i mbrëmjes “Goca & Gra” solli një surprizë të papritur për publikun: në studio u shfaq për herë të parë pas daljes nga “Big Brother VIP Albania” Joz Marku.
Kjo ishte paraqitja e tij e parë publike pas incidentit që solli përjashtimin nga shtëpia, për shkak të përplasjes fizike me Gjestin.
I pyetur për momentin që bëri bujë në publik, Jozi u shpreh me reflektim dhe keqardhje:
“Pjesa që kaloi çdo limit ishte provokimi i hapjes së derës. Kaloi çdo limit. Për mua loja mbaroi. Meritoja të dilja thjesht si njeri. Doja të përshëndetesha me banorët, jo të më preknin aty ku nuk e meritoj. Ishte një shpërthim emocionesh. Jam ai që kam duruar më shumë nga të gjithë. Është një veprim që s’më bën aspak krenar dhe as më shumë burrë.”
Ai rrëfeu gjithashtu se pasojat emocionale i ka ndjerë fort, jo vetëm vetë, por edhe familja e tij:
“Familja ime e ka përjetuar shumë keq, në mënyrën më të vështirë. Më thonin ‘S’je ti kështu’, ‘Çfarë ndodhi?’, ‘Si ka mundësi që të shtyu?’”
Në fund, Jozi pranoi se kjo ishte edhe hera e parë që është shoqëruar me pranga nga policia:
“Hera e parë me pranga,” tha ai.
