Ish-banorja e “Big Brother VIP 4”, Valbona Mhilli, ishte e ftuar në emisionin “Mos i bjer me top” me Ronaldo Sharkën, ku foli për eksperiencën e saj në shtëpinë më të famshme në Shqipëri, si dhe për debatet e krijuara jashtë saj.
Gjatë kohës që Valbona ishte brenda BBV, Shqipe Hysenaj, opinioniste në “Fan Club”, deklaroi se Valbona kishte lënë një lidhje jashtë shtëpisë. Kjo deklaratë shkaktoi shumë diskutime në rrjet, por Valbona e mohoi kategorikisht dhe u përball publikisht me Shqipen.
E pyetur nëse do ta çojë në gjyq Shqipen për deklaratën e saj, Valbona tha:
“Jo, nuk është se do ta hedh në gjyq Shqipen, për të vetmen arsye se ato që kisha për t’ia thënë, ia thashë në sy, në ‘Fan Club’. E kam ftuar të sjellë fakte për këtë lidhje imagjinare.”
Ajo pranoi se kjo situatë i shkaktoi shumë stres familjarëve të saj, edhe pse personalisht tashmë po e merr me sportivitet.
Valbona nënvizoi se marrëdhëniet e saj me familjen janë shumë të ngushta dhe gjithçka në jetën e saj është transparente për ta.
