Samanta Karavella ka ndarë me ndjekësit një nga momentet më të rëndësishme të jetës së saj – ardhjen në jetë të vajzës së saj, Gia Rose.
Këngëtarja postoi në Instagram një foto të ëmbël me të bijën në krahë, të shoqëruar me përshkrimin:
“E gjithë bota në krahët e mi… Mirë se erdhe në këtë botë Gia Rose 18/03/2025.”
Samanta dhe partneri i saj, i cili nuk është shqiptar, jetojnë prej kohësh në SHBA. Në një intervistë të mëparshme, ajo kishte ndarë emocionet rreth shtatzënisë, bashkëjetesës dhe jetës së re larg Shqipërisë.
“Po jetoj një nga periudhat më magjike të jetës sime,” kishte thënë këngëtarja, duke shtuar se çdo moment i shtatzënisë e ka përjetuar me një ndjesi të veçantë dashurie dhe pritjeje.
Për partnerin, ajo ka treguar me humor se kishte nisur të mësonte shqipen përmes aplikacioneve online, me qëllim që të komunikonte më mirë me prindërit e saj.
“Çdo mëngjes e shihja duke përsëritur fraza si: ‘Përshëndetje, znj. Sam! A doni të pini diçka?’” – rrëfen Samanta me buzëqeshje.
Çifti, tashmë prindër të një vajze, po përjetojnë një fillim të ri si familje. Samanta duket më e plotësuar se kurrë, ndërsa ndan me ndjekësit një moment që për të ka kuptimin e dashurisë më të pastër dhe më të vërtetë.
