Reperi i njohur Ledri Vula dhe këngëtarja Xhensila Myrtezaj janë dy nga emrat më të komentuar të momentit në showbiz-in shqiptar.
Së fundmi, ata janë parë disa herë bashkë, duke nxitur spekulime për një lidhje të mundshme mes tyre.
Sipas “Iconstyle”, dy artistët janë takuar shpesh në lokalet më të njohura të Prishtinës dhe madje janë parë edhe në Prizren. Fillimisht, fansat dyshuan se mund të bëhej fjalë për një bashkëpunim muzikor, por frekuentimi i tyre i shpeshtë ka bërë që të përflitet për një romancë të mundshme.
Pavarësisht thashethemeve që kanë pushtuar rrjetin, as Ledri dhe as Xhensila nuk kanë reaguar për të sqaruar marrëdhënien e tyre.
Megjithatë, kjo nuk është hera e parë që emrat e tyre lidhen në media, pasi edhe më herët janë përfolur për një afërsi të veçantë.
