Pas disa vitesh në një lidhje të komentuar gjerësisht nga mediat, Luana Vjollca dhe Krenar Çoçaj i dhanë fund marrëdhënies së tyre pak muaj më parë.
Lajmi u bë i ditur nga burime të afërta me çiftin, ndërsa asnjëri prej tyre nuk ka bërë një deklaratë publike për ndarjen.
Pas ndarjes, Luana publikoi këngën “Atë natë” në bashkëpunim me Lumi B, një projekt muzikor që flet për ndarjet dhe mbylljen e një historie dashurie. Kjo bëri që shumë ndjekës të aludojnë se kënga është një reflektim i përvojës së saj personale.
Nga ana tjetër, Krenar Çoçaj vendosi të bëjë publike llogarinë e tij në Instagram pas ndarjes, ku vëmendjen e fansave e tërhoqën disa video ku dëgjohet zëri i Luanës, duke sugjeruar se ai ende ruan kujtime nga marrëdhënia e tyre.
Por a ka nisur Luana një lidhje të re? Së fundmi, moderatorja ka publikuar disa foto në Instagram që kanë nxitur spekulime për një romancë të re.
Në njërën prej tyre, vihet re një dorë mashkulli duke i shtrënguar shalët, çka ka shtuar dyshimet se ajo mund të jetë në një lidhje të re.
Gjithashtu, Luana ka ndarë një tjetër foto që ka tërhequr vëmendjen e ndjekësve. Në këtë imazh, ajo shihet në një ambient të këndshëm, me një gotë verë dhe një trëndafil të kuq pranë saj.
Ajo që ka nxitur më shumë dyshime është unaza në dorën e saj, që disa e kanë interpretuar si një simbol i një lidhjeje të re romantike
A do të konfirmojë Luana Vjollca një romancë të re në të ardhmen? Kjo mbetet për t’u parë, por një gjë është e sigurt: jeta e saj sentimentale vazhdon të jetë një nga temat më të diskutuara në mediat rozë.
