Përkundër një oferte të joshshme prej 900 mijë eurosh për të marrë pjesë në spektaklin e “Big Brother” në Britani, Annie Kilner, gruaja e futbollistit të Milanit, Kyle Walker, ka zgjedhur të refuzojë mundësinë.
Annie e mori këtë vendim për shkak të përkushtimit të saj ndaj familjes dhe dëshirës për t’u fokusuar tek fëmijët e saj të vegjël, veçanërisht djali i saj i vogël, Rezon, i cili është ende nën një vit.
Xhirimet e spektaklit do të zgjasin tre javë, një periudhë që ajo ka konsideruar të gjatë për t’u ndarë nga djali i saj. Pjesëmarrja në “Big Brother Celebrity”, një spektakël i njohur për debatet dhe tensionet që shpesh shoqërojnë pjesëmarrësit, nuk i përshtatet jetës së saj në këtë moment.
Një burim i afërt ka zbuluar se, megjithëse ajo mund të kishte përfituar shumë nga kjo ofertë, Kilner ka preferuar të ruajë balancën mes jetës profesionale dhe asaj personale.
