Xum Allushi ishte i eleminuari i radhës nga “Big Brother VIP Albania” pas një televotimi kokë më kokë me Eglin.
Virale në rrjet është bërë momenti pasi Xumi është ulur në karrigen e të eleminuarve pranë ish-banorëve të tjerë të shtëpisë së famshme dhe i ka kërkuar menjëherë telefonin Zebervokit.
Mesa duket Xumi mezi ka pritur për të parë reagimet e publikut mbi qëndrimin 30 ditor që ai kaloi brenda formatit. Por ajo çka bie në sy është mimika e ish-banorit teksa po shikon ne telefon, ndoshta qëndrimi i publikut nuk ka qenë ajo që Xumi priste.
Xumi kaloi në televotim me Eglin pas vendimit të kësaj të fundit për të nxjerrë në nominim dy banorë, favor ky i dhënë pas hapjes së Kutisë së Pandorës.
Marrëdhënia e tyre brenda formatit nuk ka qenë aspak miqësore, përkundazi pasi Xumi shprehu hapur pëlqimin për Eglin, ajo filloi të ndihej e bezidsur dhe e intimiduar nga prezenca e tij.
