Ditën e djeshme, reperi Stresi njoftoi për një protestë pranë ambienteve të televizionit “Top Channel”, me qëllim mbështetjen e banorit të Big Brother VIP Albania, Gjestit.
Sipas Stresit, Gjesti po përballet me bullizim nga banorët e tjerë të shtëpisë.
Sot, në orën 14:00, protesta u zhvillua dhe Stresi publikoi disa pamje nga ngjarja.
Në fotografitë e publikuara, shihen pankarta me mesazhe si “Stop bullizimit” dhe “Jemi një komb, një flamur, shqip flas dhe unë”.
Kujtojmë se kjo është hera e dytë që organizohet një protestë për një banor të Big Brother VIP Albania.
Rasti i parë ishte dy vite më parë, kur u protestua për Luiz Ejllin.
