Gjesti, këngëtari që po bën bujë në rrjet, ka surprizuar publikun pas eliminimit nga Big Brother VIP Kosova duke hyrë menjëherë në Big Brother VIP Albania 4.
Vetëm brenda një dite, ai u bë pjesë e një tjetër reality show, duke fituar menjëherë zemrat e audiencës shqiptare.
I njohur për energjinë dhe karizmën e tij, Gjesti ka qenë një nga personazhet më të preferuar të publikut në BBVK, dhe hyrja e tij në BBVA 4 ka sjellë një emocion të veçantë për ndjekësit e këtij formati.
Por, përtej emrit artistik “Gjesti”, a e dini si quhet ai në të vërtetë? Besart Kelmendi është emri i tij i vërtetë, megjithatë ai rrallëherë prezantohet publikisht me këtë emër.
Gjatë hyrjes në BBVA 4, prezantuesi Ledion Liço e zbuloi emrin e tij të vërtetë, por energjia dhe veprimet e tij kanë bërë që të gjithë ta identifikojnë thjesht si Gjesti.
