Gjatë një interviste të fundit në emisionin “S’e luan topi”, gazetari i njohur shqiptar Eno Popi adresoi thashethemet që qarkullonin mbi marrëdhënien e tij me partneren, Atena.
Në media ishte aluduar për një ndarje të mundshme, madje duke përmendur tradhtinë si shkak.
Popi, me emocion dhe sinqeritet, hodhi poshtë këto zëra, duke theksuar se marrëdhënia e tyre mbetet e fortë dhe e shëndetshme, pavarësisht distancës fizike mes Shqipërisë dhe Kanadasë. Ai theksoi se largësia nuk i ka larguar, por përkundrazi, ka forcuar dashurinë e tyre.
Këto deklarata vijnë pas spekulimeve të shumta në media, ku pretendohej se çifti ishte drejt divorcit për shkak të tradhtisë së supozuar të gazetarit.
Me këtë reagim publik, Eno Popi synon t’i japë fund spekulimeve dhe të sqarojë situatën e vërtetë të marrëdhënies së tij familjare.
