Këngëtarja e mirënjohur Gili dhe djali i saj, Redoni, vendosën të largohen nga Big Brother VIP Albania vetëm pak ditë pas nisjes së spektaklit.
Dyshja, të cilët konkurronin si një ekip i vetëm, u tërhoqën me dëshirën e tyre për shkak të presionit të lartë të lojës.
Së fundmi, rrjetet sociale kanë shpërthyer me komente dhe reagime pas publikimit të disa fotove të Redonit.
Ai është krahasuar me aktorin e famshëm të serialit “Breaking Bad”, Aaron Paul, i njohur për rolin e tij si Jesse Pinkman.
Në imazhet e publikuara, ngjashmëria mes Redonit dhe aktorit të njohur është mjaft e dukshme.
Me humor, ndjekësit kanë edituar dhe një foto, duke vendosur emrin e Redonit në foton e ‘Pinkman-it’ dhe anasjelltas.
