Këngëtarja e njohur Bay T, e cila u bë pjesë e “Big Brother VIP Kosova” për një periudhë të shkurtër prej dy javësh, ka ndarë disa detaje interesante rreth jetës dhe karrierës së saj në një intervistë për emisionin “Robi plaket kur don vet’” në Klan Kosova.
Në këtë intervistë, ajo zbuloi emrin e saj të vërtetë, Buqe Tahiri, dhe shpjegoi kuptimin e emrit të saj artistik, Bay T.
“Ia kam ngjitur vetes një emër pak më artistik, sepse muzika e do një nofkë,” u shpreh ajo.
Ajo shtoi se emri është një kombinim i inicialeve të emrit dhe mbiemrit të saj, ku “B” përfaqëson Buqen, “T” për Tahirin, ndërsa pjesa “ay” është shtuar për të krijuar një tingull unik dhe më tërheqës.
Edhe pse qëndrimi i saj në shtëpinë e Big Brother VIP ishte i shkurtër, Buqe arriti të tërheqë vëmendjen e publikut dhe të shtojë kuriozitetin për jetën dhe karrierën e saj.
